ഹൈദരാബാദ് കേന്ദ്ര സര്‍വകലാശാലയില്‍ വീണ്ടും വിദ്യാര്‍ഥി ജീവനൊടുക്കി. വിശാല്‍ ടണ്ടന്‍ എന്ന ഗവേഷക വിദ്യാര്‍ഥിയാണ് ജീവനൊടുക്കിയത്. ആത്മഹത്യയുടെ കാരണങ്ങള്‍ വ്യക്തമല്ല.
കാന്പസിനു സമീപത്തെ ബഹുനില കെട്ടിടത്തിന്‍റെ പതിനാലാം നിലയില്‍നിന്ന് ശനിയാഴ്ച ഉച്ചയ്ക്കുശേഷം വിശാല്‍ താഴേക്കു ചാടുകയായിരുന്നു. കര്‍ണാടക ബല്‍ഗാം സ്വദേശിയാണ് വിശാല്‍. ജീവനൊടുക്കുന്നതിനു മുന്പ്, തനിക്കു കരിയറില്‍ വ്യക്തത കണ്ടെത്താന്‍ കഴിഞ്ഞിട്ടില്ലെന്നു കാട്ടി വിശാല്‍ സഹോദരിക്കു ഇ മെയ്ല്‍ അയച്ചിരുന്നു.
യൂണിവേഴ്സിറ്റി അധികൃതരോ വിദ്യാര്ഥികളോ വരുന്നതിനുമുന്പ് പോലീസ് വിശാലിന്റെ മൃതദേഹം നീക്കം ചെയ്തത് പ്രതിഷേധത്തിനിടയാക്കി.
