റിയാദ്: സൗദിയില്‍ വ്യാഴാഴ്ച 833 പേര്‍ക്ക് കോവിഡ് സ്ഥിരീകരിച്ചു. 26 കോവിഡ് മരണങ്ങളും രാജ്യത്ത് പുതിയതായി റിപ്പോര്‍ട്ട് ചെയ്തു. അതേസമയം, രാജ്യത്ത് രോഗമുക്തി നിരക്ക് കൂടുകയും ഗുരുതരാവസ്ഥയില്‍ ഉള്ളവരുടെ എണ്ണം കുറയുകയും ചെയ്തതായി സൗദി ആരോഗ്യ മന്ത്രാലയം വ്യക്തമാക്കി. 1454 പേരാണ് രോഗമുക്തി നേടിയത്. 92.35 ശതമാനമാണ് നിലവില്‍ രാജ്യത്തെ രോഗമുക്തി നിരക്ക്.
രാജ്യത്ത് ഇതുവരെ ആകെ കോവിഡ് കേസുകള്‍ 3,18,319 ആയി. രോഗമുക്തി നേടിയവരുടെ എണ്ണം 2,93,964 ആയി. 26 മരണങ്ങള്‍ കൂടി റിപ്പോര്‍ട്ട് ചെയ്തതോടെ രാജ്യത്തെ ആകെ മരണസംഖ്യ 3,982 ആയി ഉയര്‍ന്നു. 20,373 പേരാണ് ഇപ്പോള്‍ ചികിത്സയില്‍ തുടരുന്നത്. ഇതില്‍ 1495 പേര്‍ തീവ്ര പരിചരണ വിഭാഗത്തിലാണ്. 48,653 സാമ്ബിളുകള്‍ പുതുതായി പരിശോധിച്ചതായും ആരോഗ്യമന്ത്രാലയ അറിയിച്ചു.
