കൊച്ചി: തിരുവനന്തപുരം നയതന്ത്ര സ്വര്ണക്കടത്ത് ഭീകരപ്രവര്ത്തനത്തിനായാണ് നടത്തിയിരുന്നതെന്ന് എന്ഐഎ. സ്വര്ണക്കടത്ത് ജുവല്ലറികള്ക്കു വേണ്ടിയല്ലെന്നും എന്ഐഎ കോടതിയില് അറിയിച്ചു.
അതേസമയം, കേസിലെ പ്രതികളായ സ്വപ്ന സുരേഷിനെയും സന്ദീപ് നായരെയും കോടതി എന്ഐഎ അന്വേഷണ സംഘത്തിന്റെ കസ്റ്റഡിയില് വിടുകയും ചെയ്തു. ഈ മാസം 21 വരെയാണ് കസ്റ്റഡി.
പ്രതികള് യുഎഇ കോണ്സുലേറ്റിന്റെ വ്യാജരേഖയുണ്ടാക്കിയെന്നും രാജ്യ സുരക്ഷയെ ബാധിക്കുന്ന വലിയ ഗൂഢാലോചനയാണു കേസില് നടത്തിയിട്ടുള്ളതെന്നും എന്ഐഎ അറിയിച്ചു. അതുകൊണ്ടു തന്നെ ഇരുവരെയും ചോദ്യം ചെയ്താല് മാത്രമേ കേരളത്തിലേക്ക് എത്തുന്ന സ്വര്ണം എവിടേക്കു പോകുന്നു, എന്തിന് ഉപയോഗിക്കുന്നത് തുടങ്ങിയ ചോദ്യങ്ങള്ക്ക് ഉത്തരം ലഭിക്കുകയുള്ളവെന്നും എന്ഐഎ കോടതിയില് വ്യക്തമാക്കി.