ദേശീയ പുരസ്ക്കാര ജേതാവ് സൈറ വസീമിന്‍റെ അഭിനയം നിര്‍ത്തുകയാണെന്ന പ്രഖ്യാപനം ബോളിവുഡില്‍ ഏറെ ഞെട്ടലുണര്‍ത്തിയിരുന്നു. മതവിശ്വാസത്തിന് എതിരാകുന്നതിനാലാണ് താന്‍ അഭിനയം നിര്‍ത്തുന്നതെന്നായിരുന്നു നടിയുടെ വിശദീകരണം. എന്നാല്‍ താരത്തിന്‍റെ തീരുമാനത്തെ വിമര്‍ശിച്ച്‌ രംഗത്തെത്തിയിരിക്കുകയാണ് രവീണ ടണ്ടന്‍. രണ്ട് സിനിമകളില്‍ മാത്രം അഭിനയിച്ച ഒരാള്‍ സിനിമയോട് നന്ദികേട് കാണിച്ചത് വലിയ പ്രശ്നമല്ല. അവരുടെ കാഴ്ച്ചപാടുകള്‍ കൈയില്‍ വച്ച്‌ മാന്യതയോടെ ഇറങ്ങിപ്പോകട്ടെ എന്ന് മാത്രമാണ് ആശംസിക്കുവാനുള്ളത്. രവീണ ട്വിറ്ററില്‍ കുറിച്ചു. എന്നാല്‍ രവീണയുടെ അഭിപ്രായത്തെ അനുകൂലിച്ചും പ്രതികൂലിച്ചും നിരവധിയാളുകള്‍ രംഗത്തെത്തിയിട്ടുണ്ട്. സൈറയുടെ സ്വകാര്യ സ്വതന്ത്രത്തില്‍ കൈകടത്തരുതെന്നാണ് ഭൂരിഭാഗമാളുകളും പറയുന്നത്.
