തിരുവനന്തപുരം: യൂണിവേഴ്സിറ്റി കോളേജ് അക്രമണം , പിഎസ്സി പരീക്ഷയിലെ റാങ്ക് കയ്യടക്കല് തുടങ്ങിയ വിഷയങ്ങളിലുള്ള സര്ക്കാരിന്റെ നിലപാടില് പ്രതിഷേധിച്ച് സെക്രട്ടേറിയേറ്റ് ഉപരോധിച്ച യുഡിഎഫ് നേതാക്കളെ പോലീസ് അറസ്റ്റ് ചെയ്തു നീക്കി. മുന് മുഖ്യമന്ത്രി ഉമ്മന് ചാണ്ടി, പ്രതിപക്ഷ നേതാവ് രമേശ് ചെന്നിത്തല, കെപിസിസി പ്രസിഡന്റ് കടന്നപ്പള്ളി രാമചന്ദ്രന്, കോണ്ഗ്രസ് ദേശീയ ജനറല് സെക്രട്ടറി കെ.സി വേണുഗോപാല്, യുഡിഎഫ് കക്ഷി നേതാക്കളായ ജോസ്.കെ മാണി, അനൂപ് ജേക്കബ്, കെ.പി.എ മജീദ് തുടങ്ങിയ നേതാക്കളെയാണ് അറസ്റ്റ് ചെയ്ത് നീക്കിയത് . രാവിലെ ആറുമണിക്കാണ് ഉപരോധം ആരംഭിച്ചത്. സെക്രട്ടറിയേറ്റിലെ കന്റോണ്മെന്റ് ഗേറ്റ് ഒഴികെയുള്ള മറ്റ് മൂന്ന് ഗേറ്റുകളും പ്രവര്ത്തകര് ഉപരോധിച്ചിരുന്നു.
യൂണിവേഴ്സിറ്റി കോളേജില് നടന്ന അക്രമസംഭവങ്ങളിള് ജുഡീഷ്യല് അന്വേഷണം നടത്തുക , പിഎസ്സി പരീക്ഷയുടെ വിശ്വാസ്യത വീണ്ടെടുക്കുക, ഉത്തരക്കടലാസ് ചേര്ച്ച അടക്കമള്ള വിഷയങ്ങളില് സിബിഐ അന്വേഷണം പ്രഖ്യാ പിക്കുക, വിലക്കയറ്റം തടയുക തുടങ്ങിയ വിഷയങ്ങള് മുന്നില്നിര്ത്തിയാണ് യുഡിഎഫ് ഉപരോധം സംഘടിപ്പിച്ചത്.