ന്യൂഡല്ഹി: ശുഹൈബ് വധത്തില് സിബിഐ അന്വേഷണം ആവശ്യപ്പെട്ട് കോണ്ഗ്രസ് രാഷ്ട്രീയകാര്യ സമിതി അംഗം കെ. സുധാകരന് നടത്തുന്ന നിരാഹാര സമരത്തിനു പിന്തുണയുമായി കോണ്ഗ്രസ് അധ്യക്ഷന് രാഹുല് ഗാന്ധി രംഗത്ത്. അക്രമ രാഷ്ട്രീയത്തിനെതിരേ ഗാന്ധിയന് മാതൃകയില് സമരം നടത്തണമെന്ന് രാഹുല് ഗാന്ധി പറഞ്ഞു.
സുധാകരന് നടത്തുന്ന സമരം ഇന്ന് എട്ടാം ദിവസത്തിലേക്ക് കടന്നിരിക്കുകയാണ്. അതേസമയം ശുഹൈബ് കേസില് അന്വേഷണം ശരിയായ ദിശയിലാണെന്നും സിബിഐ അന്വേഷണം ആവശ്യമില്ലെന്നും ഇന്ന് മുഖ്യമന്ത്രി നിയമസഭയില് വ്യക്തമാക്കിയിരുന്നു.
