സി.പി.എം പ്രവര്ത്തകനെ മര്ദിച്ച കഴക്കൂട്ടം പോലീസ് സ്റ്റേഷനിലെ അസിസ്റ്റന്റ് കമ്മീഷണറെ മാറ്റി. കഴക്കൂട്ടം എസിപി പ്രമോദ് കുമാറിനെയാണ് ജില്ലാ സ്പെഷല് ബ്രാഞ്ചിലേക്കു മാറ്റിയത്. ഇതടക്കം സംസ്ഥാനത്ത് 15 ഡിവൈഎസ്പിമാരെയാണു മാറ്റിയത്. മര്ദനവുമായി ബന്ധപ്പെട്ടു നേരത്തെ സിവില് പോലീസ് ഓഫിസര് മനുവിനെ സസ്പെന്ഡ് ചെയ്തിരുന്നു.
ക്രൈംബ്രാഞ്ച് ആസ്ഥാനത്തെ അനാലിസിസ് വിംഗില്നിന്ന് ആര്. അനില്കുമാറിനെ കഴക്കൂട്ടത്തു നിയമിച്ചു. തിരുവനന്തപുരം കണ്ട്രോള്റൂം അസിസ്റ്റന്റ് കമ്മീഷണര് വി.സുരേഷ് കുമാറിനെ കൊല്ലം ജില്ലാ ക്രൈം റെക്കാര്ഡ്സ് ബ്യൂറോയിലേക്ക് മാറ്റി. അവിടെ നിന്ന് എം.ആര്.സതീഷ്കുമാറിനെ കണ്ട്രോള് റൂം അസിസ്റ്റന്റ് കമ്മീഷണറാക്കിയും സര്ക്കാര് ഉത്തരവ് പുറപ്പെടുവിച്ചു.