നീണ്ട ഇടവേളക്ക് ശേഷം ഇതിഹാസ താരങ്ങളായ സച്ചിന്‍ തെന്‍ഡുല്‍ക്കറും ബ്രയാന്‍ ലാറയും മുത്തയ്യ മുരളീധരനും വീണ്ടും മൈതാനത്തിറങ്ങുന്നു. റോഡ് സേഫ്റ്റി വേള്‍ഡ് സീരീസ് ടി20യുടെ ഭാഗമായാണ് ഇതിഹാസ താരങ്ങള്‍ ഒരിക്കല്‍ കൂടി ബാറ്റ് എടുക്കുന്നത്.
മാര്‍ച്ച് രണ്ട് മുതല്‍ 21 വരെയാണ് ടൂര്‍ണമെന്റ്. റായ്പൂരായിരിക്കും മത്സരങ്ങള്‍. കഴിഞ്ഞ വര്‍ഷം നടത്തേണ്ടിയിരുന്ന ടൂര്‍ണമെന്റ് കോവിഡ് വ്യാപനത്തെ തുടര്‍ന്ന് മാറ്റിവെക്കുകയായിരുന്നു. റായ്പൂരിലെ പുതുതായി നിര്‍മിച്ച രാജ്യാന്തര ക്രിക്കറ്റ് സ്റ്റേഡിയത്തിലാവും മത്സരങ്ങള്‍. റോഡ് സുരക്ഷയെ കുറിച്ച് അവബോധം സൃഷ്ടിക്കുന്നത് മുന്‍നിര്‍ത്തിയാണ് ടൂര്‍ണമെന്റ് സംഘടിപ്പിക്കുന്നത്.
65000 കാണികളെ ഉള്‍ക്കൊള്ളാനുള്ള ശേഷിയാണ് സ്റ്റേഡിയത്തിനുള്ളത്. വീരേന്ദര്‍ സെവാഗ്, ബ്രയാന്‍ ലാറ, ബ്രെറ്റ് ലീ, ദില്‍ഷാന്‍ എന്നിവരുള്‍പ്പെടെ ആസ്ട്രേലിയ, സൗത്ത് ആഫ്രിക്ക, ശ്രീലങ്ക, വെസ്റ്റ് ഇന്‍ഡീസ്, ഇന്ത്യ എന്നീ അഞ്ച് രാജ്യങ്ങളില്‍ നിന്നാണ് കളിക്കാരെത്തുക.
