തൃശൂര്‍: കേരളത്തില്‍ വീണ്ടും കോവിഡ് മരണം. തൃശൂരില്‍ കഴിഞ്ഞ ദിവസം കുഴഞ്ഞുവീണ് മരിച്ച വീട്ടമ്മയ്ക്കാണ് രോഗം സ്ഥിരീകരിച്ചത്. തൃശൂര്‍ അരിന്പൂരില്‍ ജൂലൈ അഞ്ചിന് മരിച്ച വത്സലയ്ക്കാണ് പരിശോധനാഫലം പോസിറ്റീവായത്.
രണ്ട് ട്രൂനാറ്റ് പരിശോധനയിലും ഫലം നെഗറ്റീവായിരുന്നു. പോസ്റ്റ്‌മോര്‍ട്ടത്തിന് മുന്‍പെടുത്ത സാമ്ബിളിന്‍റെ ഫലമാണ് പോസ്റ്റീവായത്.
അതേസമയം പോസ്റ്റ്‌മോര്‍ട്ടത്തിന് മുന്‍പെടുത്ത സാമ്ബിളിന്‍റെ ഫലം വരും മുന്‍പാണ് സംസ്‌കാര ചടങ്ങുകള്‍ നടന്നത്. അതുകൊണ്ട് തന്നെ കോവിഡ് പ്രോട്ടോകോള്‍ പാലിക്കാതെയായിരുന്നു സംസ്‌കാരം. കോവിഡ് സ്ഥിരീകരിച്ച കെഎസ്‌ആര്‍ടിസി കണ്ടക്ടര്‍ ഉണ്ടായിരുന്ന ബസില്‍ വത്സലയുടെ മകള്‍ യാത്ര ചെയ്തിരുന്നു. മകളുടെ നിരീക്ഷണ കാലാവധി ഇന്ന് അവസാനിക്കുകയാണ്. രോഗ ലക്ഷണമൊന്നും ഇവര്‍ക്ക് പ്രകടമായിരുന്നില്ല. എന്നാല്‍ ഇവരില്‍ നിന്നാകാം വത്സലക്ക് രോഗം പിടിപെട്ടതെന്നാണ് നിഗമനം.
