ഹൈദരാബാദ്: സംവിധായികയുo നടിയുമായ വിജയ നിര്‍മല (73) അന്തരിച്ചു . ഹൃദയാഘാതത്തെ തുടര്‍ന്ന് ബുധനാഴ്ച രാത്രിയില്‍ ഹൈദരാബാദിലെ വസതിയില്‍വച്ചായിരുന്നു അന്ത്യം . 25 ഓളം മലയാള സിനിമകളിലും അഭിനയിച്ചിട്ടുണ്ട്. ഏറ്റവും കൂടുതല്‍ സിനിമ സംവിധാനം ചെയ്ത വനിത എന്ന ഗിന്നസ് റിക്കാര്‍ഡിന് ഉടമ കൂടിയാണ് വിജയ നിര്‍മല. 47 ചിത്രങ്ങളാണ് ഇവര്‍ സംവിധാനം ചെയ്തത്. മലയാള സിനിമയിലെ ആദ്യ വനിതാ സംവിധായിക എന്ന നേട്ടവും വിജയ നിര്‍മലയുടെ പേരിലാണ്.
