റഷ്യൻ ടെന്നീസ് സുന്ദരി മരിയ ഷറപ്പോവയ്ക്ക് വിലക്കിനുശേഷം ആദ്യമായി ഗ്രാൻഡ് സ്ലാം മത്സരത്തിന് അവസരം ഒരുങ്ങുന്നു. യുഎസ് ഓപ്പണിലാണ് ഷറപ്പോവ തിരിച്ചുവരുന്നത്. ഷറപ്പോവയ്ക്ക് യുഎസ് ഓപ്പണിൽ വൈൽഡ്കാർഡ് എൻട്രി ലഭിച്ചു. ഓഗസ്റ്റ് 28 മുതൽ സെപ്റ്റംബർ വരെയാണ് യുഎസ് ഓപ്പൺ.
മുൻ ലോക ഒന്നാം നന്പർ താരമായിരുന്ന ഷറപ്പോവ ഉത്തേജകമരുന്ന് പരിശോധനയിൽ പിടിക്കപ്പെട്ടതോടെയാണ് വിലക്ക് നേരിട്ടത്. 15 മാസമായിരുന്നു വിലക്ക്. മുപ്പതുകാരിയായ ഷറപ്പോവ അഞ്ചു തവണ ഗ്രാൻഡ് സ്ലാം കിരീടം സ്വന്തമാക്കിയിട്ടുണ്ട്.
ഉത്തേജക മരുന്ന് ഉപയോഗിക്കുന്നതിനെതിരായുള്ള ടെന്നീസിലെ നിയമങ്ങൾക്കു വിധേയമായാണ് ഷറപ്പോവയെവിലക്കിയത്. ഈ വിലക്കിന്‍റെ കാലാവധി അവസാനിച്ചു. താരത്തെ മാറ്റിനിർത്താൻ തക്കകാരണങ്ങളൊന്നും നിലവിലില്ലെന്നും യുഎസ് ടെന്നീസ് അസോസിയേഷൻ അറിയിച്ചു.
