കൊച്ചി: മട്ടന്നൂരിലെ യൂത്ത് കോണ്ഗ്രസ് പ്രവര്ത്തകന് ഷുഹൈബിനെ കൊല്ലാന് ഉപയോഗിച്ച ആയുധം എന്ത് കൊണ്ട് കണ്ടെടുത്തില്ലെന്ന് ഹൈകോടതി. ഷുഹൈബ് വധത്തില് സി.ബി.ഐ അന്വേഷണം ആവശ്യപ്പെട്ട് മാതാപിതാക്കള് നല്കിയ ഹരജി പരിഗണിക്കുമ്പോഴാണ് കോടതിയില് നിന്ന് ഇൗ പരാമര്ശമുണ്ടായത്. പൊലീസിനകത്ത് ചാരന്മാര് ഉണ്ടെന്ന കണ്ണൂര് എസ്.പിയുടെ പരാമര്ശവും കോടതി പരിഗണനക്കെടുത്തു.
ഷുഹൈബ് വധക്കേസില് സി.ബി.ഐ അന്വേഷണം ആവശ്യപ്പെട്ട് പിതാവ് സി.പി മുഹമ്മദ്, മാതാവ് എസ്.പി റസിയയുമാണ് ഹരജി സമര്പ്പിച്ചത്. ഹരജി കോടതി ഫയലില് സ്വീകരിച്ചു. ജസ്റ്റിസ് കെമാല് പാഷയുടെ അധ്യക്ഷതയിലുള്ള ബെഞ്ചാണ് ഹരജി പരിഗണിക്കുന്നത്.
ഷുഹൈബ് വധത്തില് സി.ബി.ഐ അന്വേഷണം നടത്താനാവില്ലെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം നിയമസഭയില് വ്യക്തമാക്കിയിരുന്നു. കുടുംബത്തിന് നിലവിലുള്ള അന്വേഷണത്തില് തൃപ്തിയുണ്ടെന്നും മുഖ്യമന്ത്രി പറഞ്ഞിരുന്നു.ഇതിന് പിന്നാലെ നിലവിലെ അന്വേഷണത്തില് തൃപ്തിയില്ലെന്നും സി.ബി.ഐ. അന്വേഷണത്തിനായി സമരം നടത്താന് തയാറാണെന്ന് ഷുഹൈബിെന്റ പിതാവ് പറത്തത്. ഷുഹൈബ് വധത്തില് നിയമനടപടികള് സ്വീകരിക്കാന് യു.ഡി.എഫും തീരുമാനിച്ചിരുന്നു. ഇതിെന്റ ഭാഗമായാണ് ഇന്ന് ഹരജി സമര്പ്പിച്ചത്.