തിരുവനന്തപുരം: ശബരിമലയില് എത്തുന്ന യുവതികളുടെ സുരക്ഷ സംബന്ധിച്ച് ക്രമസമാധാന പ്രശ്നമുണ്ടായാല് സര്ക്കാര് ഇടപെടുമെന്ന് ദേവസ്വം മന്ത്രി കടകംപള്ളി സുരേന്ദ്രന്. ശബരിമലയില് യുവതികള് എത്തുകയാണെങ്കില് അവര്ക്ക് നല്കേണ്ട സുരക്ഷയുടെ കാര്യം സര്ക്കാര് ആലോചിക്കുമെന്നും മന്ത്രി പറഞ്ഞു.
ശബരിമലയിലേക്ക് വരുന്ന യുവതികളെ നിലയ്ക്കലില് വനിതാ ഭക്തജനങ്ങള് തടയുമെന്ന കാര്യത്തെക്കുറിച്ചുള്ള ചോദ്യത്തിന് ആര്എസ്എസും ബിജെപിയും ആണ് ഇതിന് പിന്നിലെന്നും അവര് ഗുണ്ടായിസമാണ് നടത്തുന്നതെന്നും മന്ത്രി വ്യക്തമാക്കി. പ്രതിഷേധങ്ങള് ക്രമസമാധാന പ്രശ്നത്തിലേക്ക് കടന്നാല് സര്ക്കാര് ശക്തമായി നേരിടുമെന്നും മന്ത്രി പറഞ്ഞു.
