കൊളംബോ: ഈസ്റ്റര് ദിനത്തില് ശ്രീലങ്കയിലുണ്ടായ സ്ഫോടന പരന്പരകളുമായി ബന്ധപ്പെട്ട് 13 പേര് അറസ്റ്റില്. ഞായറാഴ്ച ശ്രീലങ്കന് പോലീസാണ് 13 പേരെ അറസ്റ്റു ചെയ്തത്. ഇവരെ ചോദ്യം ചെയ്തുവരികയാണ്.
മൂന്ന് ക്രിസ്ത്യന് പള്ളികളിലും ആഡംബര ഹോട്ടലുകളിലും പാര്പ്പിട സമുച്ചയങ്ങളിലുമുണ്ടായ സ്ഫോടന പരന്പരയില് 215 പേരാണ് കൊല്ലപ്പെട്ടത്. മൂന്ന് ഇന്ത്യക്കാരും ശ്രീലങ്കന് പൗരത്വമുള്ള മലയാളിയും ആക്രമണത്തില് കൊല്ലപ്പെട്ടിരുന്നു. അതേസമയം ആക്രമണത്തിന്റെ ഉത്തരവാദിത്വം ഇതുവരെയും ആരും ഏറ്റെടുത്തിട്ടില്ല. കൊളംബോ സെന്റ് ആന്റണീസ് കത്തോലിക്ക പള്ളി, നെഗോംബോ സെന്റ് സെബാസ്റ്റ്യന്സ് കത്തോലിക്ക പള്ളി, ബട്ടിക്കലോവ സിയോന് പ്രോട്ടസ്റ്റന്റ് പള്ളി എന്നിവിടങ്ങളില് ഞയറാഴ്ച രാവിലെ 8.45ന് ഈസ്റ്റര് തിരുക്കര്മങ്ങള്ക്കിടെയായിരുന്നു സ്ഫോടനം. കൊളംബോയിലെ ഷാംഗ്രി-ലാ, സിനമണ് ഗ്രാന്ഡ്, കിംഗ്സ്ബറി ഹോട്ടലുകളില് രാവിലെ ഒന്പതോടെയാണു സ്ഫോടനമുണ്ടായത്.
സിനമണ് ഗ്രാന്ഡ് ഹോട്ടലില് ചാവേര് സ്ഫോടനമാണു നടന്നത്. ശ്രീലങ്ക ന് പ്രധാനമന്ത്രി റനില് വിക്രമസിംഗയുടെ ഔദ്യോഗിക വസതിക്ക് അടുത്താണ് സിനമണ് ഗ്രാന്ഡ് ഹോട്ടല്.