തിരുവനന്തപുരം: ശംഖുമുഖത്ത് കടലില് കാണാതായ ഒന്പത് വയസുകാരിയുടെ മൃതദേഹം കണ്ടെത്തി. തമിഴ്നാട് തിരുനെല്വേലി സ്വദേശികളായ ദന്പതികളുടെ മകള് ഫാത്തിമയാണ് മരിച്ചു.പുലര്ച്ചെ 3.30 ഓടെയാണ് സംഭവം. ബന്ധുവിനെ വിമാനത്താവളത്തില് യാത്ര അയച്ച ശേഷം ശംഖുമുഖം കടല്ക്കരയില് ചെലവിട്ട കുടുംബത്തിലെ ബാലികയാണ് മരിച്ചത്. പെണ്കുട്ടി തിരയില് പെട്ടതിന് പിന്നാലെ ഒപ്പമുണ്ടായിരുന്ന ബന്ധുക്കള് പോലീസും കോസ്റ്റ് ഗാര്ഡും തെരച്ചില് നടത്തിയെങ്കിലും ഫലമുണ്ടായില്ല.
ഫാത്തിമ ഉള്പ്പെടെ പത്ത് പേരടങ്ങുന്ന കുടുംബാംഗങ്ങളാണ് ബന്ധുവിനെ വിദേശത്തേക്ക് യാത്രയാക്കാന് വിമാനത്താവളത്തില് എത്തിയത്. യാത്ര അയപ്പിന് ശേഷം ഏവരും കൂടി ശംഖുമുഖം കടപ്പുറത്ത് കടല് കാണാന് പോയപ്പോഴായിരുന്നു ദുരന്തം. വലിയതുറ പോലീസ് മേല്നടപടി സ്വീകരിച്ചു. മൃതദേഹം മെഡിക്കല് കോളജാശുപത്രി മോര്ച്ചറിയിലേക്ക് മാറ്റി.
