ലഡാക്ക്: അതിര്ത്തിയില് ഇന്ത്യ, ചൈനീസ് സൈനികര് തമ്മില് സംഘര്ഷം. കിഴക്കന് ലഡാക്കില് ഇരു വിഭാഗത്തിന്റെയും സൈനികര് പരസ്പരം ഏറ്റുമുട്ടുന്ന നിലയിലേക്കു കാര്യങ്ങളെത്തിയെന്നു സൈന്യത്തെ ഉദ്ധരിച്ച് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്തു.
134 കിലോമീറ്റര് നീളമുള്ള പാങ്കോംഗ് തടാകത്തിന്റെ വടക്കന് കരയിലാണ് ഇന്ത്യന്, ചൈനീസ് സൈനികര് തമ്മില് നേര്ക്കുനേര് വന്നതെന്നാണു റിപ്പോര്ട്ട്. ഇന്ത്യന് സൈന്യത്തെ ഉദ്ധരിച്ചു വാര്ത്താ ഏജന്സിയായ എഎന്ഐയാണ് ഇക്കാര്യം ട്വീറ്റ് ചെയ്തത്. ഇന്ത്യന് സൈന്യം പട്രോളിംഗ് നടത്തുന്നതിനിടെ ചൈനീസ് സൈന്യം പ്രദേശത്തേക്ക് എത്തി. ഇതു തര്ക്കത്തിനിടയാക്കി. ഇതേതുടര്ന്ന് ഇരുഭാഗത്തുനിന്നും പ്രദേശത്തേക്കു കൂടുതല് സൈനികരെ എത്തിച്ചു. തുടര്ന്ന് ഇരുസേനാവിഭാഗങ്ങളിലെയും ഉന്നതര് തമ്മില് നടന്ന പ്രതിനിധി ചര്ച്ച നടത്തി. ഇതു ഫലം കണ്ടതോടെ ഇരുവിഭാഗവും ഏറ്റുമുട്ടലില്നിന്നു പിന്മാറി.
ടിബറ്റ് മുതല് ലഡാക്ക് വരെയുള്ള ഈ തടാകത്തിന്റെ മൂന്നില് രണ്ടു ഭാഗവും ചൈനയുടെ നിയന്ത്രണത്തിലാണ്. അടുത്ത മാസം അരുണാചല് പ്രദേശില് ഇന്ത്യന് സൈന്യത്തിന്റെ പ്രത്യേക പരിശീലനം നടക്കാനിരിക്കെയാണ് പുതിയ സംഭവവികാസങ്ങള്. രണ്ടു വര്ഷം മുന്പ് ദോക്ലാമില് ഇന്ത്യ-ചൈന സൈനികര് തമ്മില് സമാനമായ സംഘര്ഷം ഉടലെടുത്തിരുന്നു.
