ക്രിക്കറ്റിന്‍റെ മക്കയായ ലോര്‍ഡ്സില്‍ 100 വിക്കറ്റ് പിഴുത് റിക്കാര്‍ഡ് സ്വന്തമാക്കി ജയിംസ് ആന്‍ഡേഴ്സണ്‍. ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റിന്‍റെ നാലാം ദിവസമാണ് ആന്‍ഡേഴ്സണ്‍ അപൂര്‍വ റിക്കാര്‍ഡിനു അര്‍ഹനായത്. ഇന്ത്യന്‍ ഓപ്പണര്‍ മുരളി വിജയ് ആയിരുന്നു ലോഡ്സിലെ ആന്‍ഡേഴ്സണിന്‍റെ നൂറാമത്തെ ഇര. വിജയിയെ സംപൂജ്യനായാണ് ആന്‍ഡേഴ്സണ്‍ പറഞ്ഞയച്ചത്.
ഒരു മൈതാനത്ത് 100 വിക്കറ്റ് സ്വന്തമാക്കുന്ന രണ്ടാമത്തെ ആളാണ് ആന്‍ഡേഴ്സണ്‍. ക്രിക്കറ്റ് ഇതിഹാസം മുത്തയ്യ മുരളീധരനാണ് ഇതിനുമുമ്ബ് ഒരു വേദിയില്‍ തന്നെ 100 വിക്കറ്റ് സ്വന്തമാക്കിയിരിക്കുന്നത്. കൊളംബോയിലെ ഗാലെ മൈതാനത്താണ് മുത്തയ്യ റിക്കാര്‍ഡ് ഇട്ടത്.
