ലോകത്തെ കോവിഡ് ബാധിതരുടെ എണ്ണം നാല് കോടി 10 ലക്ഷവും പിന്നിട്ടു . ഇതുവരെ 41,029,279 പേര്‍ക്ക് ഇതുവരെ രോഗം ബാധിച്ചെന്നാണ് കണക്കുകള്‍ വ്യക്തമാക്കുന്നത്. 1,129,492 പേര്‍ ഇതുവരെ മരണപ്പെട്ടു . ആകെ 30,624,255 പേര്‍ രോഗമുക്തി നേടി. ജോണ്‍സ് ഹോപ്കിന്‍സ് സര്‍വകലാശാലയും വേള്‍ഡോ മീറ്ററും പുറത്തുവിടുന്ന കണക്കുകള്‍ പ്രകാരം 9,275,532 പേരാണ് വൈറസ് ബാധിതരായി നിലവില്‍ ചികിത്സയില്‍ കഴിയുന്നത് . ഇതില്‍ 77,013 പേരുടെ നില അതീവ ഗുരുതരമാണ്.അമേരിക്ക, ഇന്ത്യ, ബ്രസീല്‍, റഷ്യ, സ്പെയിന്‍, അര്‍ജന്‍റീന, കൊളംബിയ, ഫ്രാന്‍സ്, പെറു, മെക്സിക്കോ, ബ്രിട്ടന്‍, ദക്ഷിണാഫ്രിക്ക, ഇറാന്‍, ചിലി, ഇറാക്ക് എന്നീ രാജ്യങ്ങളാണ് കോവിഡ് കണക്കുകളില്‍ ആദ്യ 15ല് ഉള്ളത്.
