ലൂട്ടന്‍: ഇംഗ്ലീഷ് ഫുട്ബോള്‍ ലീഗ് കപ്പില്‍ മാഞ്ചസ്റ്റര്‍ യുണൈറ്റഡിന് തകര്‍പ്പന്‍ ജയം. മൂന്നാം റൗണ്ടില്‍ ലൂട്ടന്‍ ടൗണിനെ എതിരില്ലാത്ത മൂന്നു ഗോളുകള്‍ക്ക് തോല്‍പ്പിച്ചു. ജുവാന്‍ മാട്ട(44), മാര്‍ക്കസ് റാഷ്ഫോര്‍ഡ്(88), മാസന്‍ ഗ്രീന്‍വുഡ്(92) എന്നിവര്‍ യൂണൈറ്റഡിനായി ഗോള്‍ നേടി.
പോഗ്ബ, ബ്രൂണോ, മാര്‍ഷ്യല്‍, റാഷ്ഫോര്‍ഡ് എന്ന് തുടങ്ങി പല പ്രധാന താരങ്ങളെയും ആദ്യ ഇലവനില്‍ നിന്ന് പുറത്ത് നിര്‍ത്തിയാണ് യുണൈറ്റഡ് ഇറങ്ങിയത്. യുവ ഗോള്‍ കീപ്പര്‍ ഡീന്‍ ഹെന്‍ഡേഴ്സണ്‍ മാഞ്ചസ്റ്റര്‍ യുണൈറ്റഡിനായി അരങ്ങേറ്റം നടത്തി.
