ധാക്ക: ബംഗ്ലാദേശിലെ റോഹിങ്ക്യന്‍ അഭയാര്‍ഥി ക്യാമ്പുകളില്‍ പ്രവര്‍ത്തിക്കുന്ന വിദേശ സന്നദ്ധ പ്രവര്‍ത്തകരുടെ വിസ പ്രശ്നം പരിഹരിക്കുെമന്ന് പ്രധാനമന്ത്രി ശൈഖ് ഹസീന. മ്യാന്‍മറിലെ കാനഡയുടെ പ്രത്യേക നയതന്ത്ര പ്രതിനിധി ബോബ് റെയെ സന്ദര്‍ശിച്ച ശേഷമാണ് പ്രധാനമന്ത്രി ഇക്കാര്യം വ്യക്തമാക്കിയത്.
ബംഗ്ലാദേശിലേക്ക് ടൂറിസ്റ്റ് വിസയില്‍ വന്നാണ് ഇവര്‍ റോഹിങ്ക്യന്‍ അഭയാര്‍ഥി ക്യാമ്പുകളില്‍ സന്നദ്ധ പ്രവര്‍ത്തനം നടത്തുന്നത്. സന്നദ്ധ പ്രവര്‍ത്തകരുടെ ഇടയില്‍ നിന്ന് ചില വിദേശ പൗരന്‍മാര്‍ ബംഗ്ലാദേശിലേക്ക് നുഴഞ്ഞുകയറാന്‍ ശ്രമിക്കുന്നതായി സര്‍ക്കാറിന് അറിയാമെന്നും ഹസീന വ്യക്തമാക്കി. ഇത് സ്ത്രീകളെയും കുട്ടികളെയും കടത്തുന്നതിലേക്കും ലൈംഗികാതിക്രമങ്ങളിലേക്കും നയിക്കും. ഇൗ പ്രശ്നം പരിഹരിക്കാന്‍ സന്നദ്ധ പ്രവര്‍ത്തകര്‍ക്ക് പ്രത്യേക കാറ്റഗറി വിസ അനുവദിക്കുമെന്നും പ്രധാനമന്ത്രി പറഞ്ഞു.
