ലഖ്നൗ: അയോധ്യയില് രാമക്ഷേത്ര നിര്മ്മാണത്തിനായി രൂപീകരിച്ച ട്രസ്റ്റില് നിന്ന് ലക്ഷങ്ങള് തട്ടിയത് വ്യാജ ചെക്ക് ഉപയോഗിച്ച്. ശ്രീരാം ജന്മഭൂമി തീര്ത്ഥ ക്ഷേത്ര ട്രസ്റ്റിന്െ്റ അക്കൗണ്ടില് നിന്നാണ് പണം നഷ്ടമായത്. രാമക്ഷേത്ര നിര്മ്മാണത്തിനുള്ള ഫണ്ട് നിക്ഷേപിച്ച അക്കൗണ്ടില് നിന്നാണ് പണം നഷ്ടപ്പെട്ടതെന്ന് പോലീസ് അറിയിച്ചു.
അയോധ്യയിലെ രാമക്ഷേത്ര നിര്മ്മാണത്തിനായി പണം സ്വരൂപിക്കുന്നതിനായി ശ്രീരാം ജന്മഭൂമി തീര്ത്ഥ ട്രസ്റ്റാണ് അക്കൗണ്ട് ആരംഭിച്ചത്. ആറ് ലക്ഷം രൂപയാണ് അക്കൗണ്ടില് നിന്ന് നഷ്ടമായത്. വ്യാജ ചെക്ക് ഉപയോഗിച്ചാണ് തട്ടിപ്പ് നടത്തിയതെന്ന് പോലീസ് പറഞ്ഞു. 2.5 ലക്ഷം രൂപയും 3.5 ലക്ഷം രൂപയുമായി രണ്ട് തവണയായാണ് പണം പിന്വലിച്ചതെന്ന് അയോധ്യ ഡെപ്യൂട്ടി ഇന്സ്പെക്ടര് ജനറല് ദീപക് കുമാര് പറഞ്ഞു.
ട്രസ്റ്റിന്െ്റ സെക്രട്ടറി ചമ്ബത് റായിയുടെ പരാതിയില് എഫ്.ഐ.ആര് രജിസ്റ്റര് ചെയ്തിട്ടുണ്ട്. ഐ.പി.സി 419, 420, 467, 468, 471 വകുപ്പുകള് പ്രകാരമാണ് കേസ് രജിസ്റ്റര് ചെയ്തിരിക്കുന്നത്. പണം പിന്വലിച്ച അതേ സീരിയല് നമ്ബറുകളുടെ ഒറിജിനല് ചെക്കുകള് തങ്ങളുടെ പക്കലുണ്ടെന്ന് ട്രസ്റ്റ് അധികൃതര് അറിയിച്ചു.
ബുധനാഴ്ച ഉച്ചയ്ക്ക് ബാങ്കില് നിന്ന് വേരിഫിക്കേഷന് കോള് ലഭിച്ചപ്പോഴാണ് തട്ടിപ്പ് മനസ്സിലായത്. 9.86 ലക്ഷം രൂപയുടെ ചെക്ക് നല്കി പണം പിന്വലിക്കാന് മൂന്നാമതും ശ്രമിച്ചപ്പോഴാണ് തട്ടിപ്പ് കണ്ടെത്തിയതെന്ന് പോലീസ് പറഞ്ഞു. ബാങ്കില് സമര്പ്പിച്ച വ്യാജ ചെക്കുകളില് ട്രസ്റ്റ് സെക്രട്ടറി റായിയുടെയും ട്രസ്റ്റിലെ മറ്റൊരു അംഗത്തിന്െ്റയും വ്യാജ ഒപ്പുകള് ഇട്ടിരുന്നു. സെപ്റ്റംബര് 1,3 തീയതികളിലാണ് മുമ്ബ് പണം പിന്വലിച്ചിരുന്നത്. പിന്വലിച്ച തുക പഞ്ചാബ് നാഷണല് ബാങ്കിലെ അക്കൗണ്ടിലേക്ക് മാറ്റിയതായും കണ്ടെത്തി.