ഗോവ:ഇന്ത്യന്‍ സിനിമയുടെ നിറ സാന്നിദ്ധ്യമായിരുന്ന നടി ശ്രീദേവിയെ രാജ്യാന്തര ചലച്ചിത്ര മേളയില്‍ ആദരിക്കും. ദേശീയ പുരസ്‌കാരത്തിന് അര്‍ഹമാക്കിയ ശ്രീദേവിയുടെ ‘മാം’ എന്ന ചിത്രവും മേളയില്‍ പ്രദര്‍ശിപ്പിക്കും.
കൂടാതെ ശശികപൂര്‍, കരുണാനിധി, കല്പന ലജ്മി തുടങ്ങിയവര്‍ക്കും മേളയില്‍ ശ്രദ്ധാഞ്ജലി അര്‍പ്പിക്കും. റെട്രോസ്‌പെക്ടീവ് വിഭാഗത്തിന്‍ നടന്‍ വിനോദ് ഖന്നയുടെ ചിത്രവും പ്രദര്‍ശിപ്പിക്കും. മരണാനന്തര ബഹുമതിയായി 2017ല്‍ രാജ്യം ദാദാസാഹേബ് ഫാല്‍ക്കെ പുരസ്‌കാരം നല്‍കി അദ്ദേഹത്തെ ആദരിച്ചിരുന്നു. ശശികപൂറിന്റെ വിജേതാ, കരുണാനിധിയുടെ തിരക്കഥയില്‍ എം.ജി.ആര്‍ പ്രധാന വേഷത്തിലെത്തിയ മലൈക്കള്ളന്‍(1954), കല്പന ലജ്മി സംവിധാനം ചെയ്ത രുദാലി എന്നീ ചിത്രങ്ങളും പ്രദര്‍ശിപ്പിക്കും.
