കോഴിക്കോട്: രണ്ടാമൂഴത്തിന്റെ തിരക്കഥ തിരികെ ആവശ്യപ്പെട്ട് എം.ടി.വാസുദേവന് നായര് നല്കിയ ഹര്ജി കോടതി ഇന്ന് പരിഗണിക്കും. കോഴിക്കോട് മുന്സിഫ് കോടതിയാണ് ഹര്ജി പരിഗണിക്കുന്നത്. മലയാളത്തിലും ഇംഗ്ലീഷിലും എഴുതി നല്കിയ തിരക്കഥയുടെ കരാര് കാലാവധി അവസാനിച്ചിട്ടും സിനിമ ആരംഭിക്കാത്തതില് പ്രതിഷേധിച്ചാണ് എംടി രചന തിരികെ ആവശ്യപ്പട്ട് കോടതിയെ സമീപിച്ചത്. എം.ടിയെ അനുനയിപ്പിക്കാന് ശ്രീകുമാര് മേനോന് പലകുറി ശ്രമിച്ചിരുന്നുവെങ്കിലും നിലപാടില് നിന്ന് പിന്നോട്ടില്ലെന്ന് എം.ടി.വാസുദേവന് നായര് വ്യക്തമാക്കി.
സംവിധായകന് ശ്രീകുമാര് മേനോനും, ചിത്രത്തിന്റെ നിര്മ്മാതാവ് ബി.ആര്.ഷെട്ടിക്കും കോടതി നേരത്തെ നോട്ടീസ് അയച്ചിരുന്നു. തിരക്കഥ നല്കി മൂന്ന് വര്ഷം പിന്നിട്ടിട്ടും ചിത്രീകരണം തുടങ്ങാത്തതാണ് എം.ടിയെ പ്രകോപിപ്പിച്ചത്. ഇതിനിടെ രണ്ടാമൂഴം സിനിമയാക്കാന് താല്പര്യമറിയിച്ച് ചില നിര്മ്മാതാക്കള് എം.ടിയെ സമീപിച്ചതായും സൂചനയുണ്ട്.
സംഭവം വാര്ത്താപ്രാധാന്യം നേടിയതിന് പിന്നാലെ ശ്രീകുമാര് മേനോന് കോഴിക്കോടുള്ള വീട്ടിലെത്തി എംടിയെ സന്ദര്ശിച്ചിരുന്നു. ഒന്നര മണിക്കൂര് നീണ്ട കൂടിക്കാഴ്ചയെ സൗഹാര്ദ്ദപരമെന്നായിരുന്നു സംവിധായകന് പറഞ്ഞത്. കേസ് നിയമയുദ്ധമായി മാറില്ലെന്നും ശ്രീകുമാര് മേനോന് പറഞ്ഞിരുന്നു.
