തിരുവനന്തപുരം: യൂണിവേഴ്സിറ്റി കോളജില്‍ മൂന്നാം വര്‍ഷ ബിരുദ വിദ്യാര്‍ഥി അഖിലിനെ എസ്‌എഫ്‌ഐ പ്രവര്‍ത്തകര്‍ കുത്തിക്കൊലപ്പെടുത്താന്‍ ശ്രമിച്ച സംഭവത്തില്‍ പ്രതിഷേധിച്ച്‌ കോളജിലേക്ക് വിവിധ സംഘടനകള്‍ മാര്ച്ച് നടത്തി.എബിവിപി-യുവമോര്‍ച്ച, എസ്ഡിപിഐ സംഘടനകളാണ് ഇന്ന് മാര്‍ച്ച നടത്തിയത്.മാര്‍ച്ചുകള്‍ സംഘര്‍ഷഭരിതമായി.
യുവമോര്‍ച്ച മാര്‍ച്ചിനു നേരെ പോലീസ് പലതവണ ജലപീരങ്കിയും കണ്ണീര്‍വാതകവും പ്രയോഗിച്ചു. എന്നിട്ടും പ്രവര്‍ത്തകര്‍ സ്ഥലത്തു നിന്ന് പിരിഞ്ഞു പോകാന്‍ തയാറായില്ല. രാവിലെ എസ്ഡിപിഐ നടത്തിയ മാര്‍ച്ചും സംഘര്‍ഷഭരിതമായിരുന്നു. ഈ മാര്‍ച്ചിനു നേരെയും പോലീസ് ജലപീരങ്കിയും കണ്ണീര്‍വാതകവും പ്രയോഗിച്ചിരുന്നു.
