ലക്നോ: തന്നോട് അപമര്യാദയായി പെരുമാറിയവരെ പാര്ട്ടിയില് തിരിച്ചെടുത്തതില് പ്രതിഷേധിച്ച് കോണ്ഗ്രസ് വക്താവ് പ്രിയങ്ക ചതുര്വേദി പാര്ട്ടി പദവികളും പ്രാഥമിക അംഗത്വവും രാജിവച്ചതായി റിപ്പോര്ട്ട്. ട്വിറ്ററില് നിന്ന് കോണ്ഗ്രസ് വക്താവ് എന്ന വിശേഷവും പ്രിയങ്ക ഒഴിവാക്കി. നേതാക്കളുടെ വാട്സ്ആപ്പ് ഗ്രൂപ്പില് നിന്നും ഒഴിവായി. എന്നാല് രാജി സംബന്ധിച്ച പരസ്യ പ്രഖ്യാപനം പ്രിയങ്ക നടത്തിയിട്ടില്ല.
ദിവസങ്ങള്ക്ക് മുമ്ബ് ഉത്തര്പ്രദേശിലെ മഥുരയില് വാര്ത്താ സമ്മേളനത്തിനിടെ ചില പ്രാദേശിക പ്രവര്ത്തകര് പ്രിയങ്കയോട് അപമര്യാദയോടെ പെരുമാറിയിരുന്നു. അവര് തനിക്കെതിരേ അശ്ലീല പരാമര്ശം നടത്തുകയും ഭീഷണിപ്പെടുത്തുകയും ചെയ്തു എന്നാണ് പ്രിയങ്കയുടെ പരാതി. ആരോപണ വിധേയരായവരെ പാര്ട്ടി സസ്പെന്ഡ് ചെയ്തിരുന്നു. എന്നാല് അവരെ കോണ്ഗ്രസ് നേതാവ് ജ്യോതിരാദിത്യ സിന്ധ്യയുടെ നിര്ദേശപ്രകാരം തിരിച്ചെടുത്തിരുന്നു.
തെരഞ്ഞെടുപ്പ് അടുത്ത സാഹചര്യത്തില് തന്നോടു ആലോചിക്കാതെ പ്രവര്ത്തകരെ പാര്ട്ടി തിരിച്ചെടുത്തെന്നാണ് പ്രിയങ്കയുടെ പരാതി. സംഭവത്തില് രണ്ടു ദിവസമായി പ്രിയങ്ക കടുത്ത അതൃപ്തി രേഖപ്പെടുത്തിയിരുന്നു. ഇതേത്തുടര്ന്നാണ് പ്രിയങ്ക രാജി വാര്ത്ത വരുന്നത്. ശിവസേനയുമായി പ്രിയങ്ക ചര്ച്ച നടത്തിയതായാണ് ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
കോണ്ഗ്രസിനുള്ളില് ഗുണ്ടകള്ക്കാണോ പ്രാധാന്യമെന്ന് പാര്ട്ടിയോടു പ്രിയങ്കയുടെ ചോദിച്ചിരുന്നു. പാര്ട്ടിയില് അവര് നല്കിയ വിയര്പ്പിന്റെയും രക്തത്തിന്റെയും പേരില് മാത്രം അവരെ തിരിച്ചെടുത്തതില് കടുത്ത ദുഃഖമുണ്ട്. തനിക്കെതിരേ അശ്ലീല പരാമര്ശം നടത്തിയവരെ മാറ്റി നിര്ത്താന് പോലും തയാറാകാത്തത് അങ്ങേയറ്റം സങ്കടകരമാണെന്നും പ്രിയങ്ക കുറ്റപ്പെടുത്തിയിരുന്നു.