മിലാന്‍: ലോകം ലാ സ്കാല ഓപറ ഹൗസിലേക്ക് ഉറ്റുനോക്കിയ ആേഘാഷരാവില്‍ വിശ്വഫുട്ബാളിെന്‍റ താരകുമാരനായി വീണ്ടും ലയണല്‍ മെസ്സി. ലോകത്തെ ഏറ്റവും മികച്ച ഫുട്ബാള്‍ താരത്തിനുള്ള ഫിഫ ദ ബെസ്റ്റ് പുരസ്കാരത്തിലേക്ക് കളിയുടെ ചക്രവര്‍ത്തിക്ക് ഇത് ആറാമൂഴം.
ലിവര്‍പൂളിെന്‍റ പ്രതിരോധത്തില്‍ പടുകോട്ടകെട്ടിയ പകിട്ടുമായി നെതര്‍ലന്‍ഡ്സ് താരം വിര്‍ജില്‍ വാന്‍ ദെയ്ക് ഇക്കുറി ലോക ഫുട്ബാളറായേക്കുമെന്ന കണക്കുകൂട്ടലുകള്‍ ഡ്രിബ്ള്‍ ചെയ്തു കയറിയാണ് മെസ്സിയുടെ അനിതരസാധാരണമായ പന്തടക്കവും പ്രഹരശേഷിയും വീണ്ടും വിശ്വപുരസ്കാരത്തിെന്‍റ പ്രഭയിലേറിയത്. ബാഴ്സലോണയുടെ മുന്നണിയില്‍ അസാമാന്യമായി തേരുതെളിച്ച മികവാണ് അര്‍ജന്‍റീനക്കാരന് തുണയായത്. ആധുനിക ഫുട്ബാളിലെ ഗോളടിവേട്ടയില്‍ കടുത്ത എതിരാളിയായ ക്രിസ്റ്റ്യാനോ റൊണാള്‍ഡോയും വാന്‍ ദെയ്കിനൊപ്പം മെസ്സിയുടെ മിടുക്കിന് പിന്നിലായി.
വനിതകളില്‍ മികച്ച താരമായി അമേരിക്കയുടെ മേഗന്‍ റപീനോ തെരെഞ്ഞടുക്കപ്പെട്ടു. ലിവര്‍പൂളിനെ ചാമ്ബ്യന്‍സ് ലീഗ് കിരീടത്തിലേക്ക് നയിച്ച യുര്‍ഗന്‍ േക്ലാപ്പിനാണ് മികച്ച പരിശീലകനുള്ള പുരസ്കാരം. പെപ് ഗാര്‍ഡിയോളയെയും ആന്ദ്രേ പോഷറ്റിനോയെയും പിന്തള്ളിയാണ് േക്ലാപ്പ് ലോകത്തെ മികച്ച കോച്ചിനുള്ള പുരസ്കാരത്തില്‍ മുത്തമിട്ടത്. മികച്ച ഗോളിനുള്ള പുഷ്കാസ് അവാര്‍ഡ് ഹംഗറിയുടെ കൗമാര താരം ഡാനിയേല്‍ സോറി സ്വന്തമാക്കി.
മികച്ച വനിതാ ഗോള്‍കീപ്പറായി നെതര്‍ലന്‍ഡ്സ് ദേശീയ ടീം ഗോളി സാറി വാന്‍ വീനേന്‍ഡാല്‍ തെരഞ്ഞെടുക്കപ്പെട്ടു. മികച്ച ഫുട്ബാള്‍ ആരാധകനുള്ള പുരസ്കാരം അന്ധനായ മകന്‍ നിേക്കാളിന് ഗാലറിയില്‍ കളി വിവരിച്ചു കൊടുത്ത ബ്രസീലുകാരി സില്‍വിയ ഗ്രീക്കോ സ്വന്തമാക്കി. ഫെയര്‍േപ്ല അവാര്‍ഡ് മാഴ്സലോ ബിയല്‍സക്കും ലീഡ്സ് യുനൈറ്റഡ് ടീമിനുമാണ്. മികച്ച ഗോളിയായി ലിവര്‍പൂളിെന്‍റ ബ്രസീലിയന്‍ താരം അലിസണ്‍ തെരഞ്ഞെടുക്കപ്പെട്ടു. വനിതാ പരിശീലകക്കുള്ള പുരസ്കാരം ജില്‍ എല്ലിസിനാണ്.
