വയനാട് : സംസ്ഥാന മത്സ്യവകുപ്പ് മുഖേന മത്സ്യത്തൊഴിലാളികളുടെ മക്കള്ക്ക് റെസിഡന്ഷ്യല് മെഡിക്കല് എന്ട്രന്സ് പരിശീലനത്തിന് ഇനി മുതൽ ധനസഹായം നല്കുന്നു. അപേക്ഷാ ഫോറവും വിശദവിവരങ്ങളും ജില്ലാ ഫിഷറീസ് ഓഫീസുകളില് നിന്നും ലഭിക്കും. അപേക്ഷ ജൂണ് 15 നകം ജില്ലാ ഫിഷറീസ് ഓഫീസുകളില് സമര്പ്പിക്കണം. മുന്വര്ഷത്തെ നീറ്റ് പരീക്ഷയില് 40 ശതമാനം മാര്ക്ക് ലഭിച്ചവരോ ,ഹയര്സെക്കറി/വൊക്കേഷണല് ഹയര് സെക്കന്ററി തലത്തില് ഫിസിക്സ്/ കെമിസ്ട്രി, ബയോളജി വിഷയങ്ങള്ക്ക് 85 ശതമാനം മാര്ക്കോടെ വിജയിച്ചതോ, ആയ മത്സ്യത്തൊഴിലാളി ക്ഷേമനിധി ബോര്ഡില് രജിസ്റ്റര് ചെയ്തിട്ടുള്ള മത്സ്യത്തൊഴിലാളികളുടെ മക്കള്ക്ക് ഇതിനായി അപേക്ഷിക്കാം. ഒരു വിദ്യാര്ത്ഥിക്ക് ഒരുതവണയെ ആനുകൂല്യത്തിന് അര്ഹതയുള്ളു.
