മുംബൈ: വിവിധ ആവശ്യങ്ങള് ഉന്നയിച്ച് മുംബൈ ഇലക്ട്രിക് സപ്ലൈ ആന്ഡ് ട്രാന്സ്പോര്ട് (ബെസ്റ്റ്) തൊഴിലാളികള് ആഹ്വാനം ചെയ്ത പണിമുടക്ക് അഞ്ചാം ദിവസത്തിലേക്ക് കടന്നു. തങ്ങളുടെ ആവശ്യങ്ങള് അംഗീകരിക്കാതെ സമരം അവസാനിപ്പിക്കാന് തയാറല്ലെന്നാണ് സംഘടനാ നേതാക്കള് അറിയിച്ചിരിക്കുന്നത്.
ഏകദേശം 30 ലക്ഷത്തോളം യാത്രക്കാര്ക്കാണ് ബെസ്റ്റ് ബസിന്റെ സേവനം ലഭിക്കുന്നത്. ഇതുകൊണ്ടു തന്നെ ജനജീവിതത്തെ സമരം കാര്യമായി ബാധിച്ചിട്ടുണ്ട്. കടബാധ്യത ഇല്ലാതാക്കുക, ശമ്ബള പരിഷ്കരണം കൂടാതെ തൊഴിലാളികള്ക്ക് ബോണസ് വിതരണം ചെയ്യുക തുടങ്ങിയവയാണ് സമരക്കാരുടെ പ്രധാന ആവശ്യങ്ങള്.
