കാസര്ഗോഡ് നാലാംമൈലില് ടിപ്പര് ലോറിയിടിച്ച് പൊലീസ് ഉദ്യോഗസ്ഥന് ദാരുണാന്ത്യം.ചെറുവത്തൂര് സ്വദേശി സജീഷ് ആണ് മരിച്ചത്. രഹസ്യവിവരത്തെ തുടര്ന്ന് മയക്കുമരുന്ന് പരിശോധനയക്ക് പോകുന്നതിനിടെ സ്വകാര്യ കാറില് ടിപ്പര് ലോറിയിടിക്കുകയായിരുന്നു. ഇന്ന് പുലര്ച്ചെയാണ് അപകടം ഉണ്ടായത്.
ഡിവൈഎസ്പിയുടെ ഡാന്സാഫ് സ്ക്വാഡിലെ സീനിയര് സിവില് പൊലീസ് ഓഫീസറാണ് സജീഷ്. ഒപ്പമുണ്ടായിരുന്ന സിവില് പൊലീസ് ഉദ്യോഗസ്ഥന് സുഭാഷിനും അപകടത്തില് പരിക്കേറ്റു. ഇയാള് ആശുപത്രിയില് ചികിത്സയിലാണ്. അമിതവേഗത്തിലെത്തിയ കാര് ടിപ്പര് ലോറിയില് ഇടിക്കുകയായിരുന്നു.
