മന്മോഹന് സിങിന്റെ സംസ്കാരം നാളെ നടക്കും. ഭൗതികശരീരം കോണ്ഗ്രസ് ദേശിയ ആസ്ഥാനത്ത് പൊതുദര്ശനത്തിന് വയ്ക്കും. സമയക്രമത്തില് തീരുമാനം പിന്നീട് അറിയിക്കും.
ശ്വാസകോശ സംബന്ധമായ അസുഖത്തെ തുടര്ന്ന് ഡല്ഹി എയിംസിലാണ് മന്മോഹന് സിങിന്റെ അന്ത്യം. സാമ്പത്തിക പ്രതിസന്ധിയിലേക്ക് കൂപ്പുകുത്തിയ രാജ്യത്തെ വളര്ച്ചയിലേക്ക് കൈപിടിച്ച് നടത്തിയ ദീര്ഘദര്ശിയാണ് വിടവാങ്ങിയത്.
1932 സെപ്റ്റംബര് 26ന് പഞ്ചാബിലാണ് ഡോ മന്മോഹന് സിംഗ് ജനിച്ചത്. പഞ്ചാബ് സര്വകലാശാലയില് നിന്ന് സാമ്പത്തിക ശാസ്ത്രത്തില് ബിരുദവും ബിരുദാനന്തര ബിരുദവും നേടി. കേംബ്രിഡ്ജ്, ഓക്സ്ഫെഡ് സര്വകലാശാലകളില് തുടര്പഠനം. 1971-ല് വാണിജ്യ മന്ത്രാലയത്തില് സാമ്പത്തിക ഉപദേഷ്ടാവായാണ് മന്മോഹന് സിങ് ഇന്ത്യാ സര്ക്കാരിന്റെ ഭാഗമാകുന്നത്.
1972-ല് ധനകാര്യ മന്ത്രാലയത്തിലെ മുഖ്യ സാമ്പത്തിക ഉപദേഷ്ടാവായി. 1982 മുതല് 85 വരെ റിസര്വ് ബാങ്ക് ഗവര്ണര്. പിന്നീട് രണ്ട് വര്ഷം ആസൂത്ര കമ്മീഷന് മേധാവിയായും പ്രവര്ത്തിച്ചു. 1987-ല് പദ്മവിഭൂഷണ് നല്കി ഡോ. മന്മോഹന് സിങ്ങിനെ രാജ്യം ആദരിച്ചു.
