തിരുവനന്തപുരം: സംസ്ഥാനത്ത് മദ്യം വാങ്ങാനുള്ള ഓണ്‍ലൈന്‍ ആപ്പായ ബെവ്ക്യൂവിന് ഗൂഗിളിന്‍റെ അനുമതി ലഭിച്ചു. ഇന്ന് ഉച്ചയോടെ പ്ലേസ്റ്റോറില്‍ ആപ്പ് ലഭ്യമാകുമെന്നും രണ്ടു ദിവസത്തിനകം സംസ്ഥാനത്തെ മദ്യശാലകള്‍ തുറക്കാന്‍ സാധിക്കുമെന്നും ബിവറേജസ് വൃത്തങ്ങള്‍ അറിയിച്ചു.
ഏറ്റവും അനുയോജ്യമായ സാങ്കേതിക വിദ്യയാണ് ആപ്പില്‍ ഉപയോഗിക്കുന്നതെന്ന് ഫെയര്‍കോഡ് സിഇഒ എം.ജി.കെ. വിഷ്ണു പറഞ്ഞു. സാധാരണ ഫോണിലൂടെയും ആപ്പ് ഉപയോഗിക്കാം. സര്‍ക്കാര്‍ സെര്‍വര്‍ ഉപയോഗിച്ചാണ് ആപ്പ് പ്രവര്‍ത്തിക്കുകയെന്നും അദ്ദേഹം വ്യക്തമാക്കി.
