സാമൂഹിക അകലം അടക്കമുള്ള കോവിഡ് മാനദണ്ഡങ്ങള് പാലിച്ച് ബാറുകള് തുറക്കാമെന്ന് എക്സൈസ് കമ്മീഷണറുടെ റിപ്പോര്ട്ടില് അടുത്ത മന്ത്രിസഭാ യോഗത്തില് തീരുമാനമെടുക്കും. മറ്റു സംസ്ഥാനങ്ങളില് തുറന്ന മാതൃകയില് ബാറുകള് സംസ്ഥാനത്തും തുറക്കാമെന്ന എക്സൈസ് കമ്മീഷണറുടെ റിപ്പോര്ട്ടിന്റെ അടിസ്ഥാനത്തിലാണു നടപടി.
സുരക്ഷിത അകലം പാലിച്ച് റസ്റ്റോറന്റുകള് പ്രവര്ത്തിക്കുന്നതു പോലെ ബാറുകളും പ്രവര്ത്തിക്കാനാകുമെന്ന് എക്സൈസ് കമ്മീഷണറുടെ റിപ്പോര്ട്ടില് പറയുന്നത്. ലോക്ഡൗണ് ഇളവിനെ തുടര്ന്ന് ബാറുകള് തുറക്കാന് അനുമതി നല്കണമെന്ന് ആവശ്യപ്പെട്ട് ബാറുടമകള് സര്ക്കാരിനെ സമീപിച്ചിരുന്നു.
ഇതിന്റെ നിജസ്ഥിതി പരിശോധിച്ച് റിപ്പോര്ട്ട് നല്കാന് സര്ക്കാര് എക്സൈസ് കമ്മീഷണറോടു നിര്ദേശിച്ചു. തുടര്ന്നാണ് ബാറുകള് തുറക്കാമെന്നും കുപ്പിയോടെ മദ്യം വില്ക്കാന് ബാറുകള്ക്ക് നല്കിയ അനുമതി പിന്വലിക്കണമെന്നുമുള്ള റിപ്പോര്ട്ട് നല്കിയത്.