ബാര്‍കോഴ കേസില്‍ കെ.എം മാണിക്കെതിരെ ഒരു തെളിവും ഇല്ലാതിരുന്നിട്ടും അദ്ദേഹത്തെ വേട്ടയാടിയവര്‍ ഇപ്പോള്‍ തന്നെ ലക്ഷ്യം വെക്കുന്നുവെന്ന് ജോസ് കെ.മാണി. ബാര്‍കോഴ കേസ് പിന്‍വലിക്കാന്‍ ജോസ് കെ.മാണി ഫോണിലൂടെ ഭീഷണിപ്പെടുത്തിയെന്നും പിന്നീട് 10 കോടി വാഗ്ദാനം ചെയ്തുവെന്നുമുള്ള ബിജു രമേശിെന്‍റ ആരോപണത്തില്‍ പ്രതികരിക്കുകയായിരുന്നു അദ്ദേഹം.
മാണി സാറിനെതിരെ ഒരു തെളിവുമില്ലാതെ ഉന്നയിച്ച നീചമായ ആരോപണങ്ങളുടെ ആവര്‍ത്തനമാണ് ബിജു രമേശ് ഇപ്പോള്‍ നടത്തുന്നത്. ഇതുവരെ ഉന്നയിക്കാത്ത ഒരു ആരോപണവുമായി ബിജുരമേശ് ഇപ്പോള്‍ രംഗത്തെത്തിയതിെന്‍റ രാഷ്ട്രീയലക്ഷ്യം ജനങ്ങള്‍ക്ക് തിരിച്ചറിയാനാവുമെന്നും ജോസ് കെ. മാണി പറഞ്ഞു.
ബാര്‍കോഴ കേസ് പിന്‍വലിക്കണമെന്നാവശ്യപ്പെട്ട് ബാറുടമ ജോണ്‍ കല്ലാട്ടിെന്‍റ ഫോണിലേക്ക് ജോസ്.കെ മാണി വിളിച്ചുവെന്നും പണം വാഗ്ദാനം ചെയ്തുവെന്നുമാണ് ബിജു രമേശ് ആരോപിച്ചത്.
