പാരീസ്: ഫ്രഞ്ച് പ്രസിഡന്റ് ഇമ്മാനുവല് മാക്രോണിന്റെ രാജി ആവശ്യപ്പെട്ട് ഫ്രാന്സില് മഞ്ഞക്കുപ്പായക്കാരുടെ പ്രക്ഷോഭം. ശനിയാഴ്ച പ്രതിഷേധക്കാര് തെരുവിലിറങ്ങി. പലയിടങ്ങളിലും പോലീസും സമരക്കാരും തമ്മില് ഏറ്റുമുട്ടുകയും ചെയ്തു.
പ്രതിഷേധക്കാര് വാഹനങ്ങള് കത്തിക്കുകയും റോഡ് ഗതാഗതം തടസപ്പെടുത്തുകയും ചെയ്തു. ഇതേ തുടര്ന്ന് പോലീസ് കണ്ണീര് വാതകം പ്രയോഗിച്ചു. നിരവധിപ്പേര്ക്ക് പരിക്കേറ്റതായും റിപ്പോര്ട്ടുണ്ട്.
ഇന്ധനവില വര്ധനയ്ക്കെതിരേ തുടങ്ങിയ പ്രക്ഷോഭത്തെ തുടര്ന്ന് തുടര്ച്ചയായ ഒന്പതാം ശനിയാഴ്ചയാണ് സമരക്കാര് തെരുവിലിറങ്ങിയത്. നവംബര് പതിനേഴിനാണ് മഞ്ഞക്കുപ്പായക്കാരുടെ പ്രതിഷേധം പൊട്ടിപ്പുറപ്പെട്ടത്.