ഫുട്ബോള് ലോകത്തെ ഇതിഹാസം ഡീഗോ മറഡോണ പരിശീലന സ്ഥാനം ഒഴിയുന്നു.അര്ജന്റീനിയന് താരമായ ഇദ്ദേഹം യുഎഇ രണ്ടാം ഡിവിഷന് ക്ലബ്ബായ അല് ഫുജൈറയുടെ പരിശീലക സ്ഥാനത്ത് നിന്നാണ് രാജിവെക്കുന്നത്. തന്റെ ടീമിന് ഒന്നാം ഡിവിഷനിലേക്ക് പ്രൊമോഷന് നേടാന് കഴിയാത്തതിനെ തുടര്ന്നാണ് മറഡോണയുടെ രാജി. മറഡോണയുടെ അഭിഭാഷകനായ മാറ്റിയാസ് മോര്ലയാണ് ഇക്കാര്യം പ്രഖ്യാപിച്ചത്.
കഴിഞ്ഞ വര്ഷം മെയിലായിരുന്നു 57കാരനായ മറഡോണ അല് ഫുജൈറ ടീമിന്റെ പരിശീലക സ്ഥാനത്തെത്തുന്നത്. ടീമിനെ ഒന്നാം ഡിവിഷനിലെത്തിക്കുക എന്നതായിരുന്നു മറഡോണയിലൂടെ അല് ഫുജൈറ മാനേജ്മെന്റ് ലക്ഷ്യമിട്ടത്. എന്നാല് കഴിഞ്ഞ ദിവസം ഖോര്ഫക്കാന് ടീമിനോട് 11 സമനില വഴങ്ങിയതോടെ അല് ഫുജൈറയുടെ ഒന്നാം ഡിവിഷന് സാധ്യതകള് അവസാനിച്ചു. തുടര്ന്നാണ് പരിശീലക സ്ഥാനം രാജി വെക്കാന് മറഡോണ തീരുമാനിച്ചത്.
