വാഷിംഗ്ടണ്‍ ഡിസി: കോവിഡ് പകര്‍ച്ച വ്യാധിയെക്കുറിച്ച്‌ നേരത്തെ അമേരിക്കന്‍ പ്രസിഡന്‍റ് ഡോണള്‍ഡ് ട്രപിന് മുന്നറിയിപ്പ് നല്‍കിയിരുന്നുവെന്ന് മൈക്രോസോഫ്റ്റ് മുന്‍ മേധാവി ബില്‍ ഗേറ്റ്സ്. എന്നാല്‍, ഇക്കാര്യത്തില്‍ പിന്നീട് കൂടുതല്‍ ചര്‍ച്ചകള്‍ നടക്കാതിരുന്നതില്‍ ദുഃഖിതനാണെന്നും വാള്‍സ്ട്രീറ്റ് ജേണലിന് നല്‍കിയ അഭിമുഖത്തില്‍ അദ്ദേഹം പറഞ്ഞു.
2016ല്‍ ട്രംപ് ടവറില്‍വെച്ചാണ് ട്രംപിനോട് പകര്‍ച്ചവ്യാധിയെക്കുറിച്ച്‌ സംസാരിച്ചത്. അന്ന് പല ലോകനേതാക്കളും ഇതേക്കുറിച്ച്‌ സംസാരിച്ചിരുന്നു. കോവിഡിന് എത്രയും വേഗം വാക്സിന്‍ കണ്ടെത്തുമെന്ന ശുഭാപ്തി വിശ്വാസവും ബില്‍ഗേറ്റ്സ് പ്രകടിപ്പിച്ചു.
കോവിഡ് പ്രതിരോധ പരിപാടികളുമായി ബില്‍ഗേറ്റ്സും ഭാര്യയും രംഗത്തുണ്ട്. 25 കോടി ഡോളറാണ് കോവിഡ് പ്രതിരോധ പ്രവര്‍ത്തനങ്ങള്‍ക്കായി ബില്‍ഗേറ്റ്സ് നീക്കിവെച്ചിരിക്കുന്നത്.
