വാഷിംഗ്ടണ്‍ ഡിസി: റഷ്യന്‍ പ്രസിസന്‍റ് വ്ളാഡിമിര്‍ പുടിനുമായി അമേരിക്കന്‍ പ്രസിഡന്‍റ് ഡോണള്‍ഡ് ട്രംപ് ടെലിഫോണില്‍ ചര്‍ച്ച നടത്തി. മറ്റു രാജ്യങ്ങളെ കൂടി ചേര്‍ത്ത് ജി7 അംഗങ്ങളുടെ എണ്ണം വര്‍ധിപ്പിക്കുന്നതിനെ കുറിച്ചാണ് ചര്‍ച്ച നടത്തിയത്.
സെപ്റ്റംബറില്‍ യുഎസില്‍ നടക്കുന്ന ജി7 ഉച്ചകോടിയില്‍ പങ്കെടുക്കാന്‍ പുടിനെ ക്ഷണിക്കുമെന്ന് പറഞ്ഞതിന് രണ്ടു ദിവസത്തിന് ശേഷമാണ് പ്രസിഡന്‍റ് അദ്ദേഹവുമായി ഫോണില്‍ സംസാരിച്ചത്.
കോവിഡ് വ്യാപനത്തെ തുടര്‍ന്നുണ്ടായ പ്രതിസന്ധികള്‍ മറികടക്കാനും ആഗോള സാന്പത്തിക രംഗം തുറക്കാനുമുള്ള ചര്‍ച്ചയോടൊപ്പം ജി7 ഉച്ചകോടിയുമായി ബന്ധപ്പെട്ട കാര്യങ്ങളും സംസാരിച്ചതായി ക്രംലിന്‍ പുറത്തിറക്കിയ വാര്‍ത്താ കുറിപ്പില്‍ പറയുന്നു.
