സൗജന്യ പലവ്യഞ്ജന കിറ്റുകളുടെ വിതരണം മേയ് 21വരെ നീട്ടി. റേഷന്കടകളിലെ തിരക്ക് പരിഗണിച്ചാണ് ഒരുദിവസംകൂടി തീയതി നീട്ടി നല്കാന് ഭക്ഷ്യവകുപ്പ് തീരുമാനിച്ചത്. 80 ലക്ഷം കാര്ഡ് ഉടമകളാണ് ഇതുവരെ സൗജന്യ കിറ്റ് കൈപ്പറ്റിയത്.
അപേക്ഷ നല്കി 24 മണിക്കൂറിനുള്ളില് റേഷന് കാര്ഡ് ലഭിക്കുന്ന പദ്ധതി പ്രകാരം റേഷന് കാര്ഡിന് അപേക്ഷിച്ച 17,000 കുടുംബങ്ങള്ക്ക് പുതിയ കാര്ഡ് നല്കിയിട്ടുണ്ട്. അവര്ക്കും റേഷനും പലവ്യഞ്ജന കിറ്റും മേയ് 21ന് ലഭ്യമായി തുടങ്ങും. ലോക്ഡൗണ് മൂലം പുറത്ത് താമസിക്കുന്നവര്ക്ക് സത്യവാങ്മൂലം ഹാജരാക്കി ഇപ്പോള് താമസിക്കുന്ന റേഷന് കടയില്നിന്ന് 21 മുതല് കിറ്റ് വാങ്ങാം.
ഇത് സംബന്ധിച്ച് എന്തെങ്കിലും ബുദ്ധിമുട്ട് നേരിടുന്നവര് സ്വന്തം കാര്ഡില് രേഖപ്പെടുത്തിയ താലൂക്ക് സൈപ്ല ഓഫിസറുടെയോ റേഷനിങ് ഇന്സ്പെക്ടറുടെയോ ഔദ്യോഗിക ഫോണ് നമ്ബരില് ബന്ധപ്പെടണം. റേഷന് കടകളില്നിന്ന് കിറ്റു വാങ്ങാന് സാധിക്കാതെ വരുന്നവര്ക്ക് സെപ്ലെകോ വിപണനശാലകള് വഴി മേയ് 25ന് ശേഷം കിറ്റുകള് ലഭിക്കും. പ്രധാനമന്ത്രി ഗരീബ് കല്യാണ് അന്നയോജന പദ്ധതി പ്രകാരമുള്ള മേയിലെ അരി, കടല/ ചെറുപയര് എന്നിവയുടെ റേഷന് കടകള് വഴിയുള്ള വിതരണം 21ന് ആരംഭിക്കും.
