പശ്ചിമബംഗാളിൽ 14 വയസുള്ള പെൺകുട്ടിയെ അധ്യാപകനും സുഹൃത്തും ചേർന്ന് ബലാത്സംഗം ചെയ്തു. ബലാത്സംഗത്തിന് ശേഷം പെൺകുട്ടിയുടെ ദൃശ്യങ്ങൾ പകർത്തിയതായും പെൺകുട്ടി പൊലീസിന് നൽകിയ പരാതിയിൽ പറയുന്നു. പശ്ചിമബംഗാളിലെ നോർത്ത് 24 പർഗാനയിലാണ് സംഭവം.
സ്വകാര്യ സ്ഥാപനത്തിലെ അധ്യാപകനെ പെൺകുട്ടിയുടെ പരാതിയിൽ പോലീസ് അറസ്റ്റ് ചെയ്തു. ഒപ്പം ഉണ്ടായിരുന്ന സുഹൃത്തിനെതിരെ ലുക്ഔട്ട് നോട്ടീസ് പുറപ്പെടുവിച്ചിട്ടുണ്ട്. അയാളെ പിടികൂടാനായി അന്വേഷണം ഊർജ്ജിതമാക്കിയതായും പോലീസ് പറഞ്ഞു.
അധ്യാപകനെ പൊലീസ് ശനിയാഴ്ച കോടതിയിൽ ഹാജരാക്കിയിരുന്നു. കോടതി ഇയാളെ ഏഴു ദിവസത്തേക്ക് റിമാൻഡ് ചെയ്തു.