കണ്ണൂര്‍: സിപിഎം വിമതനായ സി.ഒ.ടി. നസീറിനെ ആക്രമിച്ച കേസില്‍ പോലീസിന് കോണ്‍ഗ്രസ് നേതാവ് കെ. സുധാകരന്‍ അന്ത്യശാസനം നല്‍കി . കുറ്റവാളികളെ നിയമത്തിനു മുന്നില്‍ ഉടന്‍ കൊണ്ടുവരണമെന്ന് സുധാകരന്‍ ആവശ്യപ്പെട്ടു. പോലീസ് നടപടി വൈകിയാല്‍ നിയമം കൈയിലെടുക്കാന്‍ മടിക്കില്ലെന്നും സുധാകരന്‍ പറഞ്ഞു. നസീറിനെ ആക്രമിച്ച കേസുമായി ബന്ധപ്പെട്ട് എ.എന്‍. ഷംസീര്‍ എംഎല്‍എയെ അറസ്റ്റ് ചെയ്യണമെന്നാവശ്യവുമായി ഡിസിസി പ്രസിഡന്‍റ് സതീശന്‍ പാച്ചേനി നടത്തുന്ന ഉപവാസ സമരത്തിനിടെയായിരുന്നു സുധാകരന്‍ ഇക്കാര്യം വ്യക്തമാക്കിയത്. നസീറിനെ അക്രമിച്ച സംഭവത്തില്‍ ആരോപണങ്ങള്‍ ഷംസീറിലേക്ക്ക് എത്തിയതോടെയാണ് ഷംസീറിന്‍റെ അറസ്റ്റ് ആവശ്യപ്പെട്ട് കോണ്‍ഗ്രസ് രംഗത്തെത്തിയത്. കെ.മുരളീധരനാണ് ഉപവാസ സമരം ഉദ്ഘാടനം ചെയ്തത്. നസീറിനെ ആക്രമിക്കാന്‍ പണിക്കാരെ അയച്ച യഥാര്‍ഥ മേസ്തിരിയെ കണ്ടെത്താന്‍ പോലീസ് തയാറാകണമെന്ന് മുരളീധരനും ആവശ്യപ്പെട്ടിരുന്നു
