നേപ്പിയര്‍: ഇന്ത്യ-ന്യൂസിലന്‍ഡ് ഏകദിന പരന്പരയിലെ ആദ്യ മത്സരത്തില്‍ ന്യൂസിലന്‍ഡിനു ബാറ്റിംഗ്. ടോസ് നേടിയ ന്യൂസിലന്‍ഡ് നായകന്‍ കെയ്ന്‍ വില്ല്യംസണ്‍ ബാറ്റിംഗ് തെരഞ്ഞെടുക്കുകയായിരുന്നു.
രവീന്ദ്ര ജഡേജ, ദിനേശ് കാര്‍ത്തിക്‌ എന്നിവരെ ഒഴിവാക്കിയാണ് ഇന്ത്യ ഇറങ്ങുന്നത്. കുല്‍ദീപ് യാദവ്, യുസ്വേന്ദ്ര ചാഹല്‍ എന്നിവര്‍ ടീമില്‍ ഇടംപിടിച്ചപ്പോള്‍ ഓസ്ട്രേലിയയ്ക്കെതിരായ അവസാന ഏകദിനത്തില്‍ പുറത്തിരുന്ന അന്പാട്ടി റായിഡു തിരിച്ചെത്തി. വിജയ് ശങ്കറിനും ഇന്ത്യ ആദ്യ ഇലവനില്‍ ഇടംനല്‍കി. പരിക്കിനെ തുടര്‍ന്ന് വിശ്രമത്തിലായിരുന്ന സ്പിന്നര്‍ മിച്ചല്‍ സാന്‍റ്നര്‍ കിവീസ് നിരയില്‍ തിരിച്ചെത്തിയിട്ടുണ്ട്. ഡഗ് ബ്രേസ്വെലിനെയും ടീമില്‍ ഉള്‍പ്പെടുത്തി.
