പ്രായമേറിയാലും യൗവനത്തിന്റെ പ്രസരിപ്പോടെയും ആരോഗ്യത്തോടെയും നമ്മെ നിലനിറുത്തുന്ന വൈറ്റമിനുകളും ധാതുക്കളുമാണ് ആന്റി ഓക്സിഡന്റുകൾ. ശരീര കോശങ്ങൾക്കുണ്ടാകുന്ന നാശവും പരിക്കുകളും തടയാൻ ആന്റി ഓക്സിഡന്റുകൾ നമ്മെ സഹായിക്കുന്നു.
ബീറ്റ കരോട്ടിൻ, ലൈകോപിൻ, ജീവകം സി, ജീവകം ഇ എന്നിവയാണ് ആന്റി ഓക്സിഡന്റുകൾ എന്ന പേരിൽ അറിയപ്പെടുന്നത്. പച്ചക്കറികൾ, പഴങ്ങൾ, പയറുവർഗങ്ങൾ എന്നിവയാണ് പ്രധാന ഉറവിടം. ബീറ്റ് റൂട്ട്, കോളിഫ്ലവർ, കാബേജ്, ഉള്ളി, തക്കാളി എന്നിവയും നട്സ്, മത്സ്യം, കോഴിയിറച്ചി, വിവിധ ധാന്യങ്ങൾ എന്നിവയും ആന്റി ഓക്സിഡന്റുകളാൽ സമ്പന്നമാണ്.
അർബുദം, ഹൃദയാഘാതം, മസ്തിഷ്കാഘാതം എന്നിവയെ ചെറുക്കാൻ ആന്റി ഓക്സിഡന്റുകൾക്ക് കഴിയും. അൽഷിമേഴ്സ്, ആസ്തമ, ചർമ്മരോഗങ്ങൾ, അസ്ഥിക്ഷയം, ആർത്തവ തകരാറുകൾ എന്നിവ പ്രതിരോധിക്കാനും ആന്റി ഓക്സിഡന്റുകൾ സഹായിക്കുന്നുണ്ട്.