ജൊഹന്നാസ്ബര്‍ഗ്: ദക്ഷിണാഫ്രിക്കയിലെ കെംന്‍റണ്‍ പാര്‍ക്കില്‍ ട്രെയിനുകള്‍ കൂട്ടിയിടിച്ച്‌ 300 പേര്‍ക്ക് പരിക്ക്. പ്രാദേശിക സമയം വ്യാഴാഴ്ച വൈകുന്നേരമാണ് സംഭവം. ആരുടെയും പരിക്ക് ഗുരുതരമല്ലെന്ന് ഗൗട്ടെംഗ് മെട്രോറെയില്‍ വക്താവ് ലില്ലിയന്‍ മൊഫൊ‌കെംഗ് പറഞ്ഞു.
ട്രെയിന്‍ കൂട്ടിയിടിയെ കുറിച്ച്‌ അന്വേഷണം നടത്തുമെന്ന് ദക്ഷിണാഫ്രിക്കന്‍ പാസഞ്ചര്‍ റെയില്‍ ഏജന്‍സി അറിയിച്ചു. മറ്റ് ഏജന്‍സികളുമായി ചേര്‍ന്ന് അപകടത്തെക്കുറിച്ച്‌ അന്വേഷിക്കും. ദുരന്ത കാരണം ഈ ഘട്ടത്തിലും അറിവായിട്ടില്ലെന്ന് അധികൃതര്‍ അറിയിച്ചു. സെപ്തംബറില്‍ ജൊഹന്നാസ്ബര്‍ഗില്‍ രണ്ടു പാസഞ്ചര്‍ ട്രെയിനുകള്‍ കൂട്ടിയിടിച്ചുണ്ടായ അപകടത്തില്‍ നൂറോളം പേര്‍ക്ക് പരിക്കേറ്റിരുന്നു.
