നേപ്പിയര്: ന്യൂസീലന്ഡിനെതിരായ ഒന്നാം ഏകദിനത്തില് ഇന്ത്യയ്ക്ക് 158 റണ്സ് വിജയലക്ഷ്യം. ടോസ് നേടി ബാറ്റിങ്ങിനിറങ്ങിയ ആതിഥേയരെ ഇന്ത്യ 157 റണ്സിന് പുറത്താക്കി.
നാലു വിക്കറ്റെടുത്ത കുല്ദീപ് യാദവും മൂന്നു വിക്കറ്റ് നേടിയ മുഹമ്മദ് ഷമിയുമാണ് ന്യൂസീലന്ഡിനെ തകര്ത്തെറിഞ്ഞത്. യൂസ്വേന്ദ്ര ചാഹല് രണ്ടു വിക്കറ്റെടുത്തു. കേദാര് യാദവിനാണ് ശേഷിച്ച വിക്കറ്റ്. അര്ധ സെഞ്ചുറി (64) നേടിയ ക്യാപ്റ്റന് കെയ്ന് വില്യംസണ് മാത്രമാണ് നീലപ്പടയുടെ ആക്രമണത്തിനു മുന്നില് പിടിച്ചു നിന്നത്. സ്കോര് ബോര്ഡില് അഞ്ച് റണ്സ് മാത്രമുണ്ടായിരുന്നപ്പോള് മാര്ട്ടിന് ഗപ്റ്റിലിനെയും 18ല് എത്തിനില്ക്കെ കോളിന് മണ്റോയേയും നഷ്ടപ്പെട്ട കീവീസ് പിന്നീട് കരകയറിയില്ല. വില്യംസണിനു പുറമേ 24 റണ്സെടുത്ത റോസ് ടെയ്ലര് മാത്രമാണ് ഇന്ത്യന് പേസ്-സ്പിന് ആക്രമമണത്തിനു മുന്നില് അല്പമെങ്കിലും പിടിച്ചു നിന്നത്.
കീവീസ് നിരയിലെ അഞ്ച് ബാറ്റ്സ്മാന്മാരാണ് രണ്ടക്കം കാണാനാകാതെ പവലിയനില് തിരിച്ചെത്തിയത്.