ബംഗളൂരു: പ്രധാനമന്ത്രി സ്ഥാനാര്ഥിയായി കോണ്ഗ്രസ് അധ്യക്ഷന് രാഹുല് ഗാന്ധി വരണമെന്ന് കര്ണാടക മുഖ്യമന്ത്രി എച്ച്.ഡി.കുമാരസ്വാമി. ലോക്സഭാ തെരഞ്ഞെടുപ്പ് രാഹുല് ഗാന്ധി നേതൃത്വ സ്ഥാനം വഹിക്കണം. ഇതാണ് ജനതാദള് സെക്കുലര് പാര്ട്ടി ആഗ്രഹിക്കുന്നതെന്നും ദേശീയ മാധ്യമത്തിന് നല്കിയ അഭിമുഖത്തില് കുമാരസ്വാമി പറഞ്ഞു.
തൃണമൂല് കോണ്ഗ്രസ് നേതാവ് മമത ബാനര്ജിക്ക് രാജ്യത്തെ നയിക്കാന് യോഗ്യതയുണ്ടെന്ന് കുമാരസ്വാമി പറഞ്ഞിട്ട് ദിവസങ്ങള് പിന്നിടുമ്ബോഴാണ് നിലപാട് മാറ്റം. പ്രധാനമന്ത്രി സ്ഥാനാര്ഥിയായി രാഹുല് ഗാന്ധിയെ പിന്തുണയ്ക്കണമെന്നാണ് പാര്ട്ടി തീരുമാനം. അതിന് തങ്ങള് പ്രതിബദ്ധരാണെന്നും അതു തുടരുമെന്നും കുമാരസ്വാമി പറഞ്ഞു.
രാഹുല് ഗാന്ധി പ്രധാനമന്ത്രിയാകണമെന്ന് ഡിഎംകെ അധ്യക്ഷന് എം.കെ. സ്റ്റാലിനും അഭിപ്രായപ്പെട്ടിരുന്നു. തമിഴ്നാട്ടുകാരുടെ വികാരമാണിതെന്നും സ്റ്റാലിന് പറഞ്ഞു. ദേശീയ തലത്തില് പല പാര്ട്ടി നേതാക്കളും സമാനമായ ആവശ്യത്തെ കുറിച്ച് സൂചിപ്പിക്കാന് തുടങ്ങിയിട്ടുണ്ട്.
