രഞ്ജി ട്രോഫി സെമിഫൈനല്‍ പോരാട്ടത്തില്‍ നിലവിലെ ചാമ്ബ്യന്മാരായ വിദര്‍ഭയ്‌ക്കെതിരെ കേരളം ബാറ്റിംഗിന് ഇറങ്ങി. ടോസ് നേടിയ വിദര്‍ഭ കേരളത്തെ ബാറ്റിംഗിന് അയച്ചു. വിരലിന് പരിക്കേറ്റ സഞ്ജു സാംസണിന് പകരം അരുണ്‍ കാര്‍ത്തിക് കേരളാ ടീമില്‍ ഇടംനേടി.
സ്വപ്ന ഫൈനലില്‍ പ്രവേശിക്കണമെങ്കില്‍ കേരള താരങ്ങള്‍ക്ക് നന്നേ വിയര്‍പ്പൊഴുക്കേണ്ടി വരും. കൃഷ്ണഗിരിയിലെ പിച്ചില്‍ കേരള താരങ്ങള്‍ക്ക് ക്വാര്‍ട്ടറിലെ വിസ്മയം വീണ്ടും പുറത്തെടുക്കാനായാല്‍ വിദര്‍ഭയുടെ നില പരുങ്ങലിലാകും. ബൗളര്‍മാരെ തുണയ്ക്കുമെന്ന് കരുതുന്ന പിച്ചിലെ പ്രതീക്ഷയും പേസര്‍മാരില്‍ തന്നെയാണ്.
വിദര്‍ഭയുടെ ബാറ്റിംഗ് നിരയും കേരളത്തിന്‍റെ പേസര്‍മാരും തമ്മിലായിരിക്കും പ്രധാന പോരാട്ടം. ക്വാര്‍ട്ടര്‍ ഫൈനലില്‍ ഉത്തരാഖണ്ഡിനെ തകര്‍ത്ത വിദര്‍ഭ ഇതുവരെ തോല്‍വിയറിയാത്ത ടീമുകളിലൊന്നാണ്. വസിം ജാഫര്‍ എന്ന ഉരുക്കുകോട്ട കീഴടക്കുകയെന്ന ഭാരിച്ച ദൗത്യവും മുന്നിലുണ്ട്.
