തിരുവനന്തപുരത്ത് വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു. നാവായിക്കുളം സ്വദേശിയായ പ്ലസ് ടു വിദ്യാര്ത്ഥിക്കാണ് രോഗം സ്ഥിരീകരിച്ചത്.കുട്ടിയെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
ഉത്രാട ദിനത്തില് കുട്ടി കുളത്തില് കുളിച്ചിരുന്നു. ഇതിന് ശേഷമാണ് രോഗലക്ഷണങ്ങള് കണ്ടത്. കുട്ടിക്കൊപ്പം കുളത്തില് കുളിച്ച രണ്ട് സുഹൃത്തുക്കള് നിരീക്ഷണത്തിലാണ്.
സെപ്റ്റംബര് തുടക്കത്തില് മസ്തിഷ്ക ജ്വരം ബാധിച്ച് തിരുവനന്തപുരത്ത് ഒരാള് മരിച്ചിരുന്നു. രോഗലക്ഷണങ്ങളോടെ തിരുവനന്തപുരം മെഡിക്കല് കോളേജ് ആശുപത്രിയില് ചികിത്സയിലായിരുന്ന പത്തോളം പേര് രോഗമുക്തി നേടുകയും ചെയ്തിരുന്നു.
