ന്യൂഡല്‍ഹി: ഡല്‍ഹിയില്‍ വീണ്ടും ശക്തമായ ഭൂചലനം. റിക്ടര്‍സ്കെയിലില്‍ 4.6 രേഖപ്പെടുത്തിയ ഭൂചലനമാണ് അനുഭവപ്പെട്ടത്. വെള്ളിയാഴ്ച രാത്രി 9.8 ന് ആയിരുന്നു ഭൂചലനം ഉണ്ടായത്.
ഭൂകമ്ബത്തിന്‍റെ പ്രകമ്ബനം ഏതാനും സെക്കന്‍ഡുകള്‍ നീണ്ടുനിന്നു. ആളുകള്‍ പരിഭ്രാന്തരായി വീടുകളില്‍നിന്ന് പുറത്തേക്ക് ഓടി. ഹരിയാനയിലെ റോത്തക്കിലായിരുന്നു ഭൂകമ്ബത്തിന്‍റെ പ്രഭവകേന്ദ്രം. ഡല്‍ഹിയില്‍ രണ്ട് മാസത്തിനിടെ ഉണ്ടാകുന്ന അഞ്ചാമത്തെ ഭൂചലനമാണിത്.
