തിരുവനന്തപുരം: ഞായറാഴ്ചത്തെ സന്പൂര്‍ണ ലോക്ക്ഡൗണില്‍ ഇളവ്. ആരാധനാലയങ്ങള്‍ സന്ദര്‍ശിക്കാനും പരീക്ഷകളില്‍ പങ്കെടുക്കാന്‍ പോകുന്ന വിദ്യാര്‍ഥികള്‍ക്കുമാണ് ഇളവുകള്‍ അനുവദിച്ചത്.
പരീക്ഷാ ചുമതലയുള്ളവര്‍ക്കും ഇളവുകള്‍ നല്‍കിയിട്ടുണ്ട്. വിദ്യാര്‍ഥികള്‍ക്ക് യാത്രാ രേഖയായി ഹാള്‍ ടിക്കറ്റ് ഉപയോഗിക്കാം. പരീക്ഷാ ചുമതലയുള്ളവര്‍ക്ക് തിരിച്ചറിയല്‍ കാര്‍ഡ് ഉപയോഗിക്കാമെന്നും പൊതുഭരണ വകുപ്പ് അറിയിച്ചു.
കഴിഞ്ഞ തിങ്കളാഴ്ച മുതലാണ് ആരാധനാലയങ്ങളില്‍ സര്‍ക്കാര്‍ പ്രവേശനം അനുവദിച്ചത്. അതേസമയം, കടകള്‍ തുറക്കുന്നതിനോ വാഹനങ്ങള്‍ ഓടുന്നതിനോ ഇളവുകള്‍ അനുവദിച്ചിട്ടില്ല.
