ന്യൂഡല്ഹി: കോവിഡ് വ്യാപനത്തില് കേന്ദ്രസര്ക്കാരിനെ അതിരൂക്ഷമായി വിമര്ശിച്ച് രാഹുല് ഗാന്ധി. കോവിഡ് പ്രതിസന്ധി നേരിടുന്നതിനു കേന്ദ്രസര്ക്കാരിന് പ്രാപ്തിയില്ലെന്ന് രാഹുല് ഗാന്ധി പറഞ്ഞു.
തെറ്റായ മത്സരത്തിന്റെ വിജയപാതയിലാണ് ഇന്ത്യ. അഹങ്കാരത്തിന്റെയും കഴിവില്ലായ്മയുടെയും മാരകസംയോജനത്തിന്റെ ഫലമായുണ്ടായ ഭീകര ദുരന്തമാണ് ഇപ്പോള് ഇന്ത്യ നേരിടുന്നതെന്നും രാഹുല് ട്വീറ്റ് ചെയ്തു.
അതേസമയം രാജ്യത്ത് കോവിഡ് കേസുകള് മൂന്നു ലക്ഷം കവിഞ്ഞു. ഏറ്റവുമൊടുവില് ലഭിക്കുന്ന കണക്കുകള് പ്രകാരം 3.01,579 പേര്ക്കാണ് രാജ്യത്ത് കോവിഡ് സ്ഥിരീകരിച്ചത്. ഇതില് 1.43 ലക്ഷം പേര് രാജ്യത്തെ വിവിധ ആശുപത്രികളില് ചികിത്സയില് കഴിയുന്നുണ്ട്. 1.49 ലക്ഷം പേര് രോഗമുക്തി നേടി.